fredag den 22. april 2011

Hunda dagar í apríl

Vit hava havt prinsessuvitjan nú í nakrar dagar. Ongantíð havi eg verið hundafólk, men tað kann man kanska blíva? Líkamikið. Vit hava havt hund nú á 9. degi. Blika er ein góður hundur, ella eg skuldi allarhelst sagt tík. At ganga túr við henni er avbjóðing av teimum heilt stóru.


Hon er ein vøkur prinsessa. Elskar at vera úti. At ganga túr, at heilsa uppá aðrar hungar ..omg .. tað gongur ikki stillisliga fyri seg, og eg skal mobilisera allar mínar kreftir.  Fyrradagin niðri í Gørðum, møttu vit ikki færri enn tveimum kettum. Blika man hava hildið, at hon kundi klárað eina kettu  (ja, ella tvær ).. denn dummi hundur. Og neyðars eg!! Tað var um reppið, at armarnir vórðu skriktir av.   


 Onki kann metast við ein túr burtur í haga. Og í dag er veðrið til hagatúr
... og svimjitúr í Bjarghyli

 Góðir dagar í Vestmanna.