torsdag den 26. november 2009

American Dream

Í Georgetown, Washington sá eg onkuntíð ólukkudýr, ið biddaðu um eitt oyra. Vietnam veteranar, sjúk, avlamin og so hesin harrin, ið hevði reitt sær ból frammanfyri eini fínari matstovu. Hann hevði, um ikki vundið flaggið á stong, so sett sær tað fast í soviposan, og so sang hann ein blues, tí okkurt skuldi man hava fyri oyra, ið varð slept niðurí plastikkoppin frammanfyri.
Eisini hann var errin av sínum landi og flaggi.

White House

..og her standi eg so, uttanfyri hvítu húsini, við myndatóli. Vóru faktisk ikki so nógv fólk akkurát hesa løtuna, onkur hevði hug at siga eitthvørt við harra presidentin, við mikrofon, plansjum og myndum fekk harra Obama at vita, at hann var ikki Messias. Ein ungur maður vildi eisini vita, hví hann ikki fekk frið fyri FBI og so uppaftur nakrir kinverjar mettu ikki, at mannarætturin í Kina varð virdur sambært mannarættindasáttmálanum og slíkt eigur presidenturin at taka sær av.
Ein ung lesandi við Georgetown University setti seg spyrjandi í samband við meg, og vildi vita, um eg metti, at tað var ok, at fólk mótmæltu frammanyri hvítu húsunum. Eg segði henni mína meining. Helt, at tað var í lagi. Helt eisini, at tey vóru sera friðalig og sámulig, og uppboði av trygdarafólki og løgreglu var so at siga trygd fyri, at ongin fór at koma "til skaða".
Hon helt tað vera áhugavert sjónarmið og vit tosaðu um Europa, talufrælsi, og annað ymiskt.
Ein áhugaverd løta uttanfyri hesi víðakendu hús.

mandag den 2. november 2009

Tann mest fantastiski batdrongur nakrantíð

Her er ommusa, hann hevur fingið halloween klæði, sum mamma hansara hevur evnað til. Omman og abbin eru og vitja í "høvuðstaðnum" á veg til annað og størri.
Gleðin við at heilsa uppá í CPH er altíð stór. Hesa myndina fekk eg at rigga, men so siti eg Guð hjálpi tú mær og skítist við at fáa myndirnar at makka rætt her í Big Apple, so eg kann blogga um eitt og annað, men tað má allarhelst bíða, til eg havi investerað í ein Mac. Hmmm.
Sólin skínur yvir Empire State og meg.