List í Reykjavík

Tað er fríggjamorgun í Reykjavík
nakað grátt
regnar

arbeiði, ið skal gerast. løgið, sum framsýningarhøli ongantíð eru klár, so man bara kann samla seg um at fáa eina framúr góða framsýning upp at hanga.....

vit ganga runt um ein baraldarrunn

vaska

spartla

krógva kontaktir

og so er sumt

sum ikki letur seg

krógva

fáa eina ventilatións rist at síggja út sum partur av framsýningini

vita um tað er gjørligt, at sýna skulpturellar kúlur á einum træborðið, sjálvt um vit væl vita, at tað ber ikki til ......

fjaldar kontaktir

nývaskaðir veggir

ódúkað borð 

og ein ventilatións rist

ynskja øllum hinum eina vælsignaða framførslu

hóast umstøðurnar

Ein túrur í Nicolaj

 Eg eri áin ... fossurin

Eg tók alla familjuna við í kirkju í gjár.
Í Nicolaj Kirkjuna. Kunsthallen.
Eva Koch hevur eina stóra video installatión í høllini. Ein fossur í fullari stødd. Við fossaduni og allari megi.
I am the River, er heiti á installatiónini. Tað ásannaði eg eftir fáum sekundum, tá friðurin fall yvir meg og eg mátti bara vera fossurin.
Møguliga er tað listafólkið, ið er fossurin, men eg loyvi tó eisini mær at fáa kensluna av tí sama.
Børn, ung og eldri fingu øll somu kenslu. At undirleggja seg stórleikan.
Tað var ein sjáldsama innilig, andalig uppliving.
Ein tann størsta eg havi havt av sínum slag í einari kirkju. Ein ótrúlig uppliving fyri sál og sinn.
Stórt!!!

Harra Kirkeby í Villingebæk og á Glyptotekinum

Kirkeby

Tá eg svimji mær ein lítlan túr á strondini í Villingebæk, er útsýnið frítt til hetta listaverkið ...

jú, jú, hettar er eitt stórt listaverk í so nógvar mátar.
Tað er ikki heilt lætt at góðtaka, at hettar er list, og kjakast verður á strondini um verkið. Fólk eru sera, sera ymisk á máli.

Fara vit niðanfrá, síggja vit listaverkið úr øðrum sjónarhorni við snóri sum forgrund. Vit eru her inni hjá grannanum, so eg veit ikki, hvussu sær út hinumegin. Spurningurin kundi verið: er grannin respektleysur, at seta ein snór, eitt niðurfallið fuglahús og ein bonk uppat listaverkinum????

Eg veit tað ikki. Og akkurát nú tími eg ikki ordiliga at vita tað. Men tað sær gott út hiðani eg standi. So er tað tað, um terminologiin kann góðtakastat, tá um  so stóra list ræður? Nei, tað er tað ikki, men tá tað nú er eitt diskussiónsevnið, so kann eg ikki bara soleiðis knappliga hava eina meining !!! Og tó, og tó .... vinkonan elskar múrsteinsverkini hjá Kirkeby td. Systir mín hevur ikki tey vakrastu orðini til hesi verk og eg ??? ja, sum sagt, so eri eg ikki heilt samd við meg sjálva hvat eg skal meina og hugsa .....
Heilt øðrvísi er tað við framsýningini á Glyptotekinum við málningum og skulpturum hjá Per Kirkeby.

Epifani: ein opinbering ella tá tú í einum brái hómar tað guðdommiliga ella ein knapplig, intens uppliving av tí gerandisliga ....
Hettar er heitið á framsýningini á Glyptotekinum.

 Eitt kór av egyptiskum, griskum, rómverskum, fronskum og donskum røddum í eini 5000 ár eru her í museenum. Fleiri teirra við motivum og temaum, ið ikki eru ólík teimum, vit finna hjá Kirkeby. Og øll hava tey eitt felags mál:

 at siga eitthvørt um tað guðdommiliga, sum vit kanska ána í brotum ella

 

 tann intensa upplivingin í gerandisdegnum ella

 opinbaringin.

Struktur bygges op af efterladte intentioner
på den måde bliver gode motiver til skjulte motiver
og afslører deres sande natur
det er derfor man kalder dem landskaber til slut.
per kirkeby, et digt i samlingen " Billedernes titler 1998

Sí hendan skulpturin. Heiti: nøs.

Er hitt eitt hitt??

Hvørja ferð eg keypi okkurt í ávísum handlum í SMS og onkra aðra staðni við og gevi handilskonuni ella dreinginum eitt ljósareytt kort, so kann eg vinna gull og grønar skógir.
T.d eri eg við í lutakastinum um ein bil !!!

Eg kann vinna 500 kr. hvørja viku. Tað er snøgt sagt ikki eiti á!! So hví skal eg gremja meg um tað??? Hví ikki bara fegnast og fara í SMS og keypa og vinna ?? Og kanska vinna ein bil?? Come on! Á eg havi ikki koyrikort, so har var tað, tað er tí eg øvundi øllum, ið gleða seg at vinna ein bil hmmm.

Men noy, tað er ikki tað.

Eg eri móð av at verða undirvurderað reint intellektuelt av handilsfólki. Tí hvør skal gjalda alt hatta? Viðskiftafólkið sjálvandi. Og tað eru jú tú og eg! Keine hexerei har. So mugu vørurnar verða dýrari, um tær skulu fíggja allar hasar vinnigarnar ha???
Og hvør má so niðurstøðan verða? Vørirnar í hasum hitt handlunum ... eru tær so ikki dýrari enn aðrastaðni?? Hvussusoer summar, tí øll vit vinna jú ikki.
So til lukku øll tit, sum vinna.
Eg má heldur finna mær aðrar handlar at keypa í.
Eg moyni tað.

Amagerbro - Hornbæk (via Helsingør)

Vár, sól, ísur og føðingardagur

Hósdagur 24.mai. Jóni og eg fara nokkso tíðliga við tokinum niðan til Hornbæk. Vit fara av í Helsingør og fáa so Martin at koma eftir okkum. 

Okkurt skulu vit stytta okkum stundir við, meðan vit bíða. Ein ísur er altíð góður. So tað mugu vit keypa okkum. Og so skal Jóni á wc. Tað er fínasta slag. Við ommu á almenna wcnum á Helsingør statión. Jóni er heilt saligur: "Omma, tað luktar væl á hesum wc'num". 

Ikki ilt at hugsa sær, at drongurin allarhelst er vanur við almenn mannfólka wcir, akkeja.

Í Hornbæk er borðreitt við alskyns góðum. 

Polly fyllir 8 ár. Tað verður feirað við góðum mati, nógvum gávum og hugnaligari samveru í deiliga heiminum og í havanum, hjá Fíu, Martin, Vestar og Polly.