Kanska er tað eisini spæl ...

Kanska er tað bara spæl ...

Ótrúliga forvitnislig framsýning lat upp niðri á Skálatrøð í gjár.
Listameistarin Hanni Bjartalíð is back!
Aftur hesaferð hugtekur hann meg og tekur meg totalt á bóli! Alt er nýtt og annaðleiðis, og tó so kann eg við vissu siga: hettar er Hanni og eingin annar enn Hanni. Ein uppliving av teimum stóru.
Uppliving fyri eygu, sinn og sál. 

Myndir, er allarhelst ikki rætta orðið at brúka, um tað, sum Hanni ger. Men eg kalli tað so myndir, standmyndsmálningar kanska og standmyndir, men tað riggar heldur ikki til Hanna. Kinna hevur lýst hansara arbeiði so væl, bæði á føroyskum og enskum máli, so tað nýtist ikki mær at gera. Vil bara vísa til hennara tekst.
Hann er ein listamaður, ið hevur nógv um at vera í løtuni. Og ein listamaður, ið hevur nógv uppá hjartað.
Hann arbeiðir við eini stórari verkætlan í Manchester í Englandi. Spennandi projekt við skapum, ljósi og skugga.

Kanska gera vit eina ferð til Manchester, tá framsýningin letur upp!! Uttan iva fáa vit fylt flogfarið upp. Og leypa trý pláss av, so kunnu tríggir fótbólts fjepparar sleppa við eisini.

Tríggjar fyrstu myndirnar, eg havi sett inn eru allar úr Manchester. Her er aftur ein annar listabúni. Og tó eru vit ikki í iva um, at hettar er Hanni Bjartalíð. Hann experimenterar og spælir sær við tilfarinum og listarliga snildi sínum. Trúgvi ikki, at tað er fornermisligt at siga, at listafólk spæla sær við sínum arbeiði. Tí spæl av slíkum slagi, sum hesum, er rámasta álvara, sjálvsagt, akkurát sum tað er fyri børn, tá tey spæla.

Eg hugsi ofta, um hann er greiður yvir tá hann byrjar uppá eina "mynd",  hvussu hon skal verða, tá hon er liðug. Eg giti, at hann hevur eitt mál, men at hann ofta letur seg letur seg lokka ymiskar vegir í arbeiðsprosessini.

Hanni Bjartalíð hevur aftur glett meg við feitastu framsýningini í ár hugartil!

Minnist so væl fyrstu myndirnar eg sá hjá honum fyri nógvum árum síðan.

Eg var rættiliga ótrygg. Visti ikki hvat eg skuldi meina og halda. Øgiliga skeptisk. Hevði næstan hug at siga sum summi: skal hattar vera list? skal man til útlond at nema sær útbúgving og koma aftur at vísa okkum hettar? hmmm!! forferdiliga nógvar spekulatiónir og rukkur í pannuni. Men myndirnar fingu okkurt at vakna og liva í mær. Eg mátti yvirgeva meg. Og so fór eg at flenna, og so var latið upp inntil góðtøkuna og eg varð seld. Síðan hevur Hanni verið ein av mínum yndislistafólkum. 

Steinprent er eitt fantastiskt stað í metropolinum. Og fert tú uppá møtir tær hendan orange litta hurðin. Hanni hevur sæð møguleikan fyri bláu myndini umgangandi og her hongur hon einastandandi væl!  

Líka nógv listaverk eru uppiá í Steinprent, sum niðri í framsýningarhølinum. 

 

Listaframsýningin er opin hvønn dag!! og tit kunnu ogna tykkum eitt ella fleiri av verkunum, ið eru framsýnd!  

Lýsandi leyv.

Litirnir lýsa í morgun
tað er heyst
ikki hevur tað verið vakrari 

Life starts when we start growing a garden!!

og vit hava hálað bátin uppá land. So kann veturin bara koma, og fyrst skal heystið njótast.......

Mánadagur it's Monday

Tað er mánadagur. Børnini hava funnið eitt súkklu hjól í garðinum. Tað er mánadagur. Hon brýnir knívar ......

og soleiðis syngur skaldið á Velbastað.

Eg festi meg faktisk við hana, sum brýnir knívar, sjálvt um sangurin hjá Teiti kann leggja seg í fleiri løg, í tað romantiska bygdalívið, men so er tað tað við hasum knívunum og onki fordekt í at keypa bensin, tað gera fólk dag og dagliga, men í hesum kontekstinum fær tað eitt so ørkymlandi brá, tað kann absolutt eisini leggja seg bæði á ein og annan bógv, serliga tá tað verður sungið av klingandi barnarøddum við symfoniskum undir - og yvir tónum.... 

Men tíbetur var pumpan stongd.

Og køkurin er ruddaður!

Her er so mánamorgun, og eg klikki meg á nýggjheitirnar her og der... ein ítróttar venjari verður ákærdur fyri at gera seg inná børnini, sum skuldu havt álit á hann

64 % av teimum gomlu á heimum brúka blæu

Børnini røra seg eg ov lítið 

USA letur aftur, um ikki kongressin samtykkir og tekur seg saman....

Timberlake verður í parkini einaferð komandi

og fleiri aðrar katastrofur eru vællýstar 

Ikki tala um ítróttin, hann lati eg so liggja, men har er eisini eitt og annað.

Tað er mánamorgun

Og vitin, hann lýsir at vísa veg í tí heila.

Góðan mánadag!

Tað regnar, og heystið er á gáttuni.

Jú, tað regnar í allari verðini!

 ......... tað regnar á tónaskaldið
og rytmurnar drukna í nótablaðnum

tað regnar á bókasavninum
og tað regnar millum teori og praksis

tað regnar á tí evstu strondini
har samtalan grør og doyr

tað regnar á teg og meg
og okkara royndir at liva

tað regnar í hølunum á skundmiklum døgum
tað regnar í øllum lívligum røddum
tað regnar í øllum barnasøgum


dagurin kemur við einum farra av blóði
og litar kvøldini sum koma
jú - eg skilji tað tú sigur
tað regnar í allari verðini

(brot úr yrkingini regn hjá róa patursyni 1985. les alla yrkingina í yrkingasavninum  Líkasum) leingist eftir fleiri yrkingum frá hansara hond!  

Hoyrir tú at tey rópa...

Tvungin abortráðbeving!!!

......ovast á breddanum á Dimmu, og tað er sjálvandi Miðflokkurin, ið nú rópar hurrá fyri sínum nýggja málsøki.

Marna Jacobsen hevur bloggað, og eg loyvi mær at sitera úr hennara bloggi:

"Í føroysku abortlóggávuni, sum sjálvandi er donsk, hevur kvinna rætt til abort, um:

• -        vandi er fyri lív og heilsu hjá kvinnuni
• -       hon er gjørd við barn við revsiverdigari handling
• -       um vandi er fyri, at barnið kann gerast sinnisjúkt (her verður eisini epilepsi talt við)
• -       um likamligar ella sálarligar defektir gera kvinnuna óegnaða at taka sær av barninum

Í øllum øðrum viðurskiftum skulu tveir læknar sínaámillum samráðast um, hvørt kvinnan skal hava abort ella ikki. 

Nú skal so ein triði persónur aftrat gera eina vurdering."

Er tað hesum vit hava brúk fyri nú? Eg má spyrja og undrast!