Morgun

Renn, sól, upp úr havi so glæmu ung,
rís hátt á himinsins boga,

 

nú brotnar og brestur náttin tung,
og tindarnir taka at loga.

Nú eru vit aftur Alheims børn
og vakna í ríkum roða.

Nú hitar tú urð og flidnalond
og lendir í køldum gjáum,

tú skyggir á báru og hyljastrond
og lýsir í leskandi áum.

Nú lyftast upp fuglar, fólk og fæ
og lívgast av ljósum náðum.
Chr. Matras

Góðan morgun øll somul. Tí hetta er av sonnum ein góður morgun!

!Nú er nokk!

Tað er kalt. Vindurin býtur í oyru og kjálkar. Men tey ungu hava bjóðað til mótmælistiltak, og tá kann eg ikki sita heima.

Byrjanin var dramatisk og effektfull!
Samhaldsfasti varð jarðaður ! Sum seg sømir við presti og avvarðandi.

Heilt fitt av fólki høvdu leitað sær oman í Grasagarð. Her var alt ókeypis: kaffi, (súr)epladjús, køkur og pylsur.
Og ikki at tala um - frálíkar røður frá SU, Unga Tjóðveldi, formonnunum báðum, og formenninir í javnaðarflokkinum og tjóðveldi sluppu eisini framat. Síðani var tónleikur og felagssangur. Endabrestin leveraði Jóannes Nielsen, rithøvundur og gamal kommunistur.
Ein gamal reyðsokkur sum eg fekk tó ilt í reyvina av, at eittans konufólk var á palli. Tað var Sunneva, for"maður" í SU. Annars vóru bert menn, ið hildu røður og leveraðu annað undirhald. Gamaní vóru nøkur konufólk í jarðarferðar fylginum, men men ... tit eru ung og eiga at hugsa um slíkt!!! ( hetta má við)

 Hesir tríggir tykjast at hava eitthvørt uppá hjarta!

 Meðan Elias og Luitjen høvdu tað eisini stuttligt :)

Eg takki fyri eitt gott tiltak!