Tey fara framvið

So komu sóljurnar ... langt um leingi

Dagurin 3.juni er halgaður Jóannes Niklasi og Ingunn

bæði fylla tey í dag, bæði fylla tey 58

 Jóannes Niklas,  ævigt ungur. Altíð 21. Ingunn 56. 

Minnismyndir

Mangan tykjast minnismyndir támar,
sum eg sá tær gjøgnum rútir kámar -
klárnar stundum glar tær stillu løtur
birtist aftur ljós um gingnar gøtur

Streyma tá so klárir gjøgnum minni
tímar teir, ið bóru lív á sinni,
teir ið feimdust burt, tá lív varð skuggi -
løgdu eftir slóð á sálarstíggi.

  

  Tìmarnir, tá streyma gjøgnum minni,
  eru løg og myndir mær í sinni -
  streyma út so hvørt í rúmdarskugga,
  til tess rútir døkkast mær í glugga.

Hesar stillu lívsins skoðanløtur
      eru hvíldarstøð vallarans og fløtur -
      báðumeðin rísa fjøll av fløtti,
      goyma veg og vón at mongum døtti.
Christian Matras

Skírisdagur í Dr.mølle

Ein deiligur dagur

Eg havi roynt at upploada hendan filmin til tín, men eg sleppi ikki vegna tónleikin, ið eg havi tikið av fløguni hjá Velvet Underground. So nú royni eg, um tað riggar at gera ein blogg. So veit eg ikki, hvussu tær dámar, at eg leggi hann á tína fb síðu. So kanst tú bara hyggja og sletta. Eg skal brenna tær á fløgu, men tað er nú nokkso fitt alt tað heila, so tað ger kanska einki, um hann liggur her?

Og tú undirfulli mai ...

Mai er nærum hálvrunnin.
Hugsaði,
sjálvdan havi eg tikið so nógvar myndur, sum í mai í ár.  Hví so man vera? Á jú uttan iva, tí veðrið herumleiðir er so óalmindiliga avbjóðandi.
Her er ein lítil smakkur av tí vit upplivdu fyrst í mánaðinum.
Og vit syngja nú sum áður .. ungmoy í mai so kvøður .. og tú undirfulli mai ......

Skulpturelt í Havn

Eg eri bygdafrell. Men eg eri øgiliga ofta í Havn, og nú ætli eg mær ikki at siga eitt orð um sokallaðu fólkaatkvøðuna!!!

 Men harafturímóti eitthvørt um, hvussu tað kann kennast til tíðir, tá man kemur til Havnar í leið 100, ella 300, tá eri eg noydd at skifta í Kollfjarðadali. Akkurát sum í 60'unum, tá vegurin ikki var samanbundin onkustaðni á Mjórkadalsleiðini vegna onkrar ósemjur um eitthvørt. Men nú eru vit so komin aftur í 60'ini for well. Tí eg havi roynt at fáa SSL at lurta eftir mær, men tað sýnist vónleyst, so vit skifta í Dalinum, sum í 60'unum.

Og nú er vandi fyri, at eg gloymi, hvat eg var í ferð við.
Altso tá eg komi til Havnar í leið 100 ella 300.
So koma hesir risarnir ímóti mær.

 Simpelthen úr øllum ættum. Hvar eg vendi mær.. næstan

 Eisini tá eg fari at svimja. Royni at vita, um Hans Pauli Olsen klárar at skugga fyri, men tað gongst illa.

 Nei, heldur ikki her ....

 Jú, nú eydnaðist tað ....

 og nú!!!

 Men teir eru fasinerandi .. herre min gud.

Eg má siga sum Jóhann úr Fámará Radio, forrestin Føroya besta radiostøð og fyritannsaksskuld sjónvarpsstøð!! hann sigur, at tað er so skulpturelt í Fámará, ikki órudduligt.
Lat meg siga tað sama um heðinssteyrarnar í Havnini. Kalt kjaft teir eru skulpturellir !!

Morgun

Renn, sól, upp úr havi so glæmu ung,
rís hátt á himinsins boga,

 

nú brotnar og brestur náttin tung,
og tindarnir taka at loga.

Nú eru vit aftur Alheims børn
og vakna í ríkum roða.

Nú hitar tú urð og flidnalond
og lendir í køldum gjáum,

tú skyggir á báru og hyljastrond
og lýsir í leskandi áum.

Nú lyftast upp fuglar, fólk og fæ
og lívgast av ljósum náðum.
Chr. Matras

Góðan morgun øll somul. Tí hetta er av sonnum ein góður morgun!